يروشلم ته د ختلو سرود
د صداقت دُعا
۱په سخته کښې مالِک خُدائ ته سوال زارى کوم،
او زما سوال هغه قبلوى،
۲ما د دروغژنو شونډو نه بچ کړه اے مالِکه خُدايه
او د دوکه بازو ژبو نه مې وساته
۳اے دوکه مارو ژبو هغه به تاسو سره څۀ وکړى؟
او د دې سزا سره به نور تاسو سره څۀ وکړى؟
۴هغه به تاسو ته د جنګيالو د تېرو غشو سره سزا درکړى،
او په سرو سکروټو به سزا درکړى.
۵افسوس دې وى په ما چې زۀ په مسک کښې لکه مسافر اوسېږم،
زۀ د قيدار د خېمو په مينځ کښې اوسېږم.
۶زۀ ډېر زيات اوسېدلے يم
د هغو خلقو په مينځ کښې څوک چې امن نه نفرت کوى.
۷زۀ صُلح خوښوونکے او امن پسند يم،
خو چې کله زۀ د صُلحې خبرې کوم هغوئ جنګ غواړى.
