د شُکر ګزارۍ سرود
۱د مالِک خُدائ شُکر ګزارى وکړئ، ځکه چې هغه ښۀ دے.
د هغۀ مينه ابدى ده.
۲د خُدائ پاک شُکر ګزارى وکړئ، چې د معبودانو خُدائ پاک دے.
د هغۀ مينه ابدى ده.
۳د مالِک خُدائ شُکر ګزارى وکړئ چې د مالِکانو مالِک خُدائ دے.
د هغۀ مينه ابدى ده.
۴د هغۀ شُکر ګزارى وکړئ چې صرف هغه لوئې معجزې کوى،
د هغۀ مينه ابدى ده.
۵او هغه چا چې آسمانونه يې په حِکمت سره پېدا کړل،
د هغۀ مينه ابدى ده.
۶او د هغۀ شُکر ګزارى وکړئ چا چې زمکه د اوبو دپاسه خوره کړله،
د هغۀ مينه ابدى ده.
۷او د هغۀ شُکر ګزارى وکړئ چا چې آسمانى رڼاګانې پېدا کړې،
د هغۀ مينه ابدى ده.
۸نمر په ورځ باندې بادشاهى کوى،
د هغۀ مينه ابدى ده.
۹سپوږمۍ او ستورى په شپه باندې حکومت کوى،
د هغۀ مينه ابدى ده.
۱۰د هغۀ شُکر ګزارى وکړئ چا چې مِصريانو له وړومبى پېدا شوى هلاک کړل،
د هغۀ مينه ابدى ده.
۱۱هغۀ بنى اِسرائيل د مِصر د مينځ نه راوويستل،
د هغۀ مينه ابدى ده.
۱۲چا چې په هغه وخت د خپل طاقت او قدرت څرګندونه وکړه،
د هغۀ مينه ابدى ده.
۱۳او د هغۀ شُکر ګزارى وکړئ چا چې بحرِقُلزم په مينځ دوه کړو،
د هغۀ مينه ابدى ده.
۱۴او هغۀ بنى اِسرائيل د دې په مينځ کښې بوتلل،
د هغۀ مينه ابدى ده.
۱۵خو فِرعون سره د نوکرانو په بحرِقُلزم کښې غرق شو،
د هغۀ مينه ابدى ده.
۱۶او د هغۀ شُکر ګزارى وکړئ چا چې د خپلو خلقو په بيابان کښې لارښودنه وکړله،
د هغۀ مينه ابدى ده.
۱۷د هغۀ شُکر ګزارى کوئ چا چې لوئ بادشاهان رانسکور کړل،
د هغۀ مينه ابدى ده.
۱۸او هغۀ تکړه بادشاهان هلاک کړل،
د هغۀ مينه ابدى ده.
۱۹سيحون د اموريانو بادشاه يې مړ کړلو،
د هغۀ مينه ابدى ده.
۲۰عوج د بسن بادشاه يې مړ کړلو،
د هغۀ مينه ابدى ده.
۲۱او هغۀ د هغوئ مُلک دوئ ته په ميراث کښې ورکړو،
د هغۀ مينه ابدى ده.
۲۲او په ميراث کښې يې خِدمتګار بنى اِسرائيل ته ورکړو،
د هغۀ مينه ابدى ده.
۲۳د هغۀ شُکر ګزارى وکړئ چا ته چې مونږ د کمزورتيا په حالت کښې ياد وُو،
د هغۀ مينه ابدى ده.
۲۴او مونږ يې د خپلو دشمنانو نه خلاص کړلو،
د هغۀ مينه ابدى ده.
۲۵او څوک چې هر يو مخلوق ته رزق ورکوى،
د هغۀ مينه ابدى ده.
۲۶د آسمانونو د خُدائ شُکر ادا کړئ،
د هغۀ مينه ابدى ده.
