خدای ډېر لوی پاچا
۱پاچاهي کوي څښتن نو ودې لړزیږي د دنیا قومونه
هغه دی ناست په تخت د اسماني مخلوق دپاسه
نو ځمکه دې شي په لړزېدلو باندې
۲څښتن لویي څرګندوي صهیون کې
او دی اوچت په ټولو ولسونو باندې
۳هغوی دې ووایي ثنا د هغه د لوی او هیبتناکه نامه
ځکه چې دی هغه سپېڅلی
۴ای ځواکمن پاچا، مینه لرې د عدالت سره ته
تا قایم کړلو انصاف
په اسراییلو کې دې کړی عدالت او نېکي
۵ثنا او صفت وکړئ زمونږ د څښتن خدای
د تخت په مخکې یې د پښو په چوکۍ وکړئ سجده
ځکه چې دی هغه سپېڅلی
۶موسی او هارون وو د هغه کاهنان
او سموییل هم د هغې ډلې ؤ چې نوم یې د څښتن یاداوه
څښتن ته یې وکړلو فریاد او هغه قبول یې کړ سوال
۷د ورېځ له منځه یې له دوی سره خبرې وکړې
هغوی ومنل احکام او قوانین د هغه
چې یې ورکړي وو هغوی ته
۸ای څښتنه! ای زمونږه خدایه!
تا کړ قبول د خپلو خلکو سوال
ته د هغوی بخښونکی خدای وې
سره له دې چې تا د دوی د ګناهونو سزا ورکړه دوی ته
۹زمونږ د څښتن خدای ثنا او صفت وکړئ
عبادت وکړئ د هغه په سپېڅلي غره باندې
ځکه سپېڅلی دی زمونږ څښتن خدای
