د فسحې د اختر سندره
۱کله چې ووتل د مصر نه د اسراییلو خلک
هغه پردی وطن چې کله پرېښودلو د یعقوب اولادې
۲یهودا شو د څښتن سپېڅلی ځای
اسراییل شو د هغه د پاچاهۍ ځای
۳خدای چې کله راښکاره شو سرې بحیرې ته
نو بحیره وچه شوه
د اردن سیند هم ودرېده
۴شول په ټوپونو غرونه لکه پسونو په شان
وهل خېزونه غونډۍ ګانو لکه د وریو په شان
۵ای دریابه په تا څه وشول چې وچ شوې؟
د اردن سینده ولې ودرېدلې؟
۶ای غرونو، ولې مو ووهل ټوپونه د پسونو په شان؟
ای غونډیو، ولې مو ووهل خېزونه لکه وریو په شان؟
۷د څښتن په حضور کې ای ځمکې په لړزان شه
د یعقوب د خدای حضور کې په لړزان شه
۸هغه بدل کړ ګټ په ډنډ باندې
او کلکه تیږه په چینې باندې
