څلوارام ساباق
پطروس او يوحنا دې جرګې په مخکې
1 پطروس او يوحنا ليا دې خالکې سره خبرې کړلې چې په دا وخت ځنې امامون، دې بيت المقدس دې سوتينکيې قوماندان او ځنې صدوقيون رو وراسيدل. 2 اغا ډير په قهر وي، ځکه چې رسولونې خالکې ته تعليم ويرکوو او اعلان يې که چې عيسیٰ دې مړيې نه بيا روژواندائي شوائي دائي او دا ثابته وي چې مړي و روژواندي کيژي. 3 يغې پطروس او يوحنا ونيول، خو دې دغې دې اماله چې لماشوم و، بيا اغا يې دې سابو وريځې دې پوره په زندان کې وسوتل. 4 خو ډيرې خالکې چې دا پيغام ورويده، بيا ايمون يې رواړ. دې يغې شمير نژدې پينځه زره کاسون ته وراسيده.
5 بله وريځ دې يهوديونې حاکمون، مشرون او دې شريعت عالمون په يروشلم کې سره روټول شول. 6 ستر امام حناس او قيافا، يوحنا، سکندر او دې ستر امام دې کورانۍ نور غړي هه وولته وي. 7 يغې پطروس او يوحنا رو واستل او دې جرګې په مخ کې يې ودارول او پشتنه يې ځنې وکړله، ”توسې په کيم قدرات او دې چا په نوم دا کور کړائي دائي؟“ 8 پطروس چې دې روح القدس نه ډاک شه، يغې ته ځاوب ويرکه، ”اې دې قوم حاکمونې او مشرونې: 9 که چيرې توسې نن دې ميژ نه دې يغ نيک کور په حق کې چې دې يغ شيال ساړي سره مو کړائي دائي پشتنه کئ او غوړئي په دا پوئي شئ چې اغا څرنګې روغ شه، 10 بيا توسې ټول او دې اسرائيلې ټول قوم دا په دا پوئي شي چې دا ساړائي چې دې توسې په مخ کې ويلوړ دائي، اغا دې ناصري عيسیٰ مسيح دې نوم په قدرات سره چې توسې په صليب لاک که او خدائ په څټ دې مړيې نه روژواندائي که، روغ شوائي دائي. 11 عيسیٰ اغا څوک دائي چې دې يغ په حق کې دې خدائ په کلام کې ليکل شوي دي:
کيمه تيژه چې راد کړيې ګلکارونې وه
اغا ويس شوه اصيله تيژه دې بنياد
12 خلوصين ګوشائي دې عيسیٰ په وسيله تر لوسه کيدائي شي. ځکه چې په ټوله دنيو کې بل داسې څوک نشته چې دې يغې په وسيله ميژ خلوصين مينده کي.“
13 کله چې يغې دې پطروس او يوحنا زوړاورتيه وليدله او پوئي شول چې اغا عام او بې تعليمه خالک دائي، بيا حيرون شول او ويې پيژاندل چې دې عيسیٰ ملګري دي. 14 خو څرنګې چې يغې اغا ساړائي وليده چې روغ راميټ دې يغې په ميانځ کې ويلوړ دائي، بيا ايڅ يې نه شول ويلائي. 15 بيا يغې پطروس او يوحنا ته امر وکه چې دي جرګې نه دا ووځي او بيا يې په خپل ميانځ کې باحث شيري که. 16 يغې وويل، ”دې دغې خالکې سره څه وکي؟ ځکه چې دې يروشلم ټول خالک پئيژي چې دا حيروناوينکي معجزه دې يغې دې خو نه وشوله او ميژ دې يغې نه منکرې دائي نه شي. 17 خو دې دغې دې پوره چې دا خبره نوره هه دې خالکې په ميانځ کې ړانګه نه شي، بيا اغا ته بايد خبردارائي ويرکي چې نور دې عيسیٰ په حق کې دې ايچا سره خبرې ونه کو.“
18 يغې پطروس او يوحنا بيا رو وغوشتل او حکم يې ورته وکه چې نور و ايڅ کله دې عيسیٰ په نوم چا ته څه نه ويائي او نه و تعليم ويرکاوي. 19 خو پطروس او يوحنا ځاوب ويرکه، ”توسې په خپله پئصاله وکئ چې دې خدائ په نظير کې کيمه خبره سامه دو، ايا دې خدائ نه اطاعت وکي او که دې توسې نه؟ 20 ميژ چې څه ليدلي او ارويدلي دي دې يغې په حق کې غلي نه شي پوتې کيدائي.“ 21 جرګې پطروس او يوحنا ته يورې بيا ساخت خبردارائي ويرکه او بيا يې پريشول چې لوړ شي. يغې کيم داسې داليل پئيدو نه که چې دئ ته سازو ويرکو، ځکه څه چې شوي وي دې يغې په خاطر ټولې خالکې دې خدائ ثنا ويله. 22 کيم ساړي چې په دا معجزې شفا ميندليې وه دې يغ عمر دې څالويشتې کولې نه زيوت و.
دې ايماندورونې دې زيړاورتيا دې پوره داعو
23 کله چې پطروس او يوحنا يې پرې شول، بيا اغا خپل ملګري ته لوړل او څه چې مشرونې امامونې او دې قوم مشرونې ورته ويلي وي، اغا ته يې وويل. 24 کله چې ايماندورونې دا وورويدل، بيا په ګاډه يې خدائ ته داعو وکړله او ويې ويل، ”اې تيشتن تعالی، اې دې اسمون، منځکې، دريوبينې او ار څه چې په اغا کې دي، دې يغې ټولې خالقه! 25 تو دې روح القدس په وسيله دې خپل خيذماتګور او دې ميژ دې نيکه داود په خوله وويل:
’ويلې دامره شول په قهر نور قومينه؟
ويلې بيځيه منصوبې جوړاوي داغا قومينه؟
26 تايوره وي ځانينه جنګ ته بدشاون دې جهان
او يو ځوئي کيژي يو دې بل سره حکمرانون
دې تيشتن او دې يغ دې مسيح په خلاف‘
27 په اقيقات کې دولته په داغا شار کې هيروديس او پانتياس پيلاتوس دې غير يهوديونې او دې اسرائيلې دې خالکې سره دې تو دې سپيڅلي خيذماتګور عيسیٰ په مخ کې چې تو غوره کړائي دائي، سره يو ځوئي شوي دي. 28 دئ اغا کورينه وکړل چې تو په خپل قدرات او خپلې ارادې سره مخکې پريکړه کړيې وه چې بايد وشي. 29 ويس اې تيشتنه، دې يغې دهمکيونې ته کسه او خپلې خيذماتګورونې ته دې دا طاقات ويرکه چې په پيرا زيړاورتيا سره دې تو پيغام بيان کو. 30 خپل لوس دې رو ويژد که چې خالک شفا مينده کو او دې تو دې سپيڅلي خيذماتګور عيسیٰ په نوم معجزې وشائي او حيروناوينکي کورينه وکو.“ 31 کله چې دې يغې داعو اخير ته وراسيدله، بيا په کيم ځوئي کې چې اغا رو ټول شوي وي، اغا ځوئي وخيزيده او اغا ټول دې روح القدس نه ډاک شول او دې خدائ پيغام يې په زيړاورتيا سره بيان که.
ايماندورون په مول او جايداد کې شريک دي
32 ټول ايماندورون په يوه زړه او يوه فکر وي. په دئ نه يو هه دا دعویٰ نه کړله چې دا دې يغ مول او جايداد دائي، بلکې ار څه چې يې لارل اغا ټول په کې شريک وي. 33 رسولونې په پيرا قدرات سره دې تيشتن عيسیٰ دې بيا روژواندي کيدلې په حق کې شهادت ويرکاوه او په اغا ټول بندې دې خدائ ډير فاضل و. 34 په اغا کې ايڅوک هه محتاج نه وي، ځکه ار چا چې منځکه ليا کورينه لارل اغا و يې خارڅول او پائسې و يې رو وړلې 35 او دې رسولونې په اختيار کې و يې ويرکاولې او دې محتاجونې په ميانځ کې و ويشل کيدلې. 36 دې مثال په رانګ يوسف چې رسولونې و ورته برناباس يعني تسلي ويرکاوينکائي ويل چې يو لاوي و او دې قبرس نه و، 37 يغ خپله منځکه خارڅه کړله او پائسې يې روړې او رسولون ته يې ويرکړلې.