يوويشتام ساباق
دې يوې کونډې شځې نذرانه
(متي ۱۲: ۴۱ - ۴۴)
۱عيسیٰ شو او خو وکاتل او ويې ليدل چې مالدار خالک خپلې نذرانې دې بيت المقدس په خزونه کې اچاوي، ۲او په دغ رانګ يغ يوه غريبه کونډه وليدله چې خپلې دوې ريپئ يې په اغا خزونه کې وچاولې. ۳عيسیٰ وويل، ”زه توس ته رشتيا يايمه چې دغې غريبې کونډې دې نورې ټولې نه زيوتې پائسې وچاولې، ۴دې ځکه چې يغې ټولې دې دنيو دې زيوتولي دې واجې پائسې وچاولې، خو دغې شځې دې خپلې غريبئ سره بيا هه ار څه چې يې لارل وچاول.“
دې بيت المقدس دې ړانګاولې پيشګوئي
(متي ۲۴: ۱ - ۲ او مرقوس ۱۳: ۱ - ۲)
۵ځنې شاګردونې دې بيت المقدس په حق کې خبرې کړلې او دې يغې کوشليې تيژې او شکرانې صفاتينه يې کړل چې بيت المقدس په کوشلائي شوائي و. عيسیٰ وويل: ۶”دا شايون چې توس يې وينئ، داسې وخت و روشي چې په دا کې و يوه تيژه هه په بله تيژه پوتې نه شي او ټولې و روړانګې شي.“
دې اخري زمونې ناخشې
(متي ۲۴: ۳ - ۱۴ او مرقوس ۱۳: ۳ - ۱۳)
۷يغې پشتنه وکړه، ”اې ايستوذه! دا ار څه و څه وخت پيشيژي او دې دغې پيشې دې رونژدې کيدلې ناخشې و څه وي؟“ ۸عيسیٰ وويل، ”پام کئ چې بې ليارې نه شئ. دې ځکه چې ډير و دې مو په نوم روشي او يائي و: ’زه مسيح يمه‘ او ’اغا وخت روراسيدلائي دائي.‘ خو په اغا پسې مه څئ. ۹کله چې دې جنګې او ګاډ وډائي په حق کې کيم څه وروئي، بيا مه ډاريژئي. دې ځکه چې اوال و دا شايون خامخا پيشيژي، خو دې دغې دا معنی نه دو چې دا ار څه و په مخ اخر ته وراسيژي.“
۱۰بيا يې اغا ته وويل، ”يو قوم و دې بل قوم سره جنګيژي، يوه بدشائي و دې بلې بدشايئ سره جنګيژي. ۱۱ساختې زلزلې و وشي، په ډير ځائيون کې و قحطي او وبوګونې روشي او په اسمون کې و ډاروينکيې او سترې ناخشې روشکاره شي. ۱۲خو په دا ار څه نه مخکې و اغا توس ونسي او و مم ځوراوي. توس و دې محکمې دې پوره عبادتخانې ته وسپورل شئ او په زندانينه کې و وچاول شئ او دې مو دې نوم په خاطر و دې محکمې دې پوره بدشاونې او واليونې ته بوتلل شئ. ۱۳دا و دې توس دې پوره دې شائدئي ويرکاولې يوه موقع وي. ۱۴په دغ حق کې ډير فکر مه کئ چې دې خپلې ځونينې و څرنګې دفاع کئ. ۱۵دې ځکه چې زه و توس ته دې خبرې کړلې حکمت ديرکمه چې دې توسې دې ديشمنونې نه و ايڅوک ونه شي کړائي دې توسې په مخ کې وداريژي او ليا مخالفت کې کامياب شي. ۱۶تر دغې چې دې توسې مور او پلور، وريڼه، خپلون او ملګري و دې توس سره خيانت وکو او په توس کې و ځنې وويژنل شي ۱۷او دې مو دې نوم دې اماله و ټول خالک دې توس نه کرکه کو. ۱۸خو دې توسې دې سار يو ويشته و هه کام نه شي. ۱۹ټينګ وداريژئي، بيا تل پوتې ژواندين و وګاټئ.
دې يروشلم دې ړانګيدلې پيشګوئي
(متي ۲۴: ۱۵ - ۲۱ او مرقوس ۱۳: ۱۴ - ۱۹)
۲۰خو کله چې توس ووينئ چې يروشلم بندې لشکر روبادال شوائي دائي، بيا پوئي شئ چې دې يغ دې ړانګيدلې وخت رونژدې شوائي دائي. ۲۱بيا په اغا وخت کې چې څوک په يهوديه کې وي اغا دا غرينه ته وتشتي. څوک چې په شار کې وي، بيا دې شار نه دا ووځي او څوک چې دې شار نه دې ورچانې وي اغا دا شار ته نه نناوځي. ۲۲دې ځکه چې دا و دې سازو ويرکاولې وريځې وي، ترڅو اغا څه چې دې خدائ په کلام کې ليکل شوي دي پيره شي. ۲۳افسوس دا وي دې يغې شځې په حال چې په اغا وريځې کې اميدورې وي او په اغا مانديې بندې چې خپل واړيکي ته شوده ويرکاوي. دې ځکه چې دې منځکې په مخ و ساخت مصيبت روشي او په دا خالک و دې خدائ غضاب نازل شي. ۲۴اغا و په تيرې وويژنل شي او ټول ملکينه ته و دې قيديونې په رانګ بوتلل شي او يروشلم و دې غير يهوديونې دې خو تر پشې لوندې کيژي، ترڅو دې غير يهوديونې دوران اخير ته ونه راسيژي.
دې انسان دې زي روتاګ
(متي ۲۴: ۲۹ - ۳۱ او مرقوس ۱۳: ۲۴ - ۲۷)
۲۵په لمر، سپيژمئ او ستوري کې و ناخشې روشکاره شي او قومينه و دې منځکې په مخ دې داريوب دې شور او دې چاپې نه تنګ او پريشانه شي. ۲۶خالک و دې دغې پيشې دې ډوره او انديشنې نه چې په دنيو کې روميانځ ته کيژي بې وشه شي، دې ځکه چې اسموني وکارې و ولړزاول شي. ۲۷بيا و اغا دې انسان زيائي وويني چې په وريځې کې و دې قدرات او زيوت جلال سره رو راون وي. ۲۸کله چې دا شايون شيري شي بيا توس نيغ ودارئي او زيړاور پنډيژئي، دې ځکه چې دې توسې خلوصين نژدې دائي.“
دې اينځر دې ونې نه عبرات وخاستل
(متي ۲۴: ۳۲ - ۳۵ او مرقوس ۱۳: ۲۸ - ۳۱)
۲۹بيا عيسیٰ اغا ته دا مثال رواړ، ”دې اينځر ونې او نورې ونې ته وکسئ. ۳۰کله چې اغا غيټئ خلوصې کو، بيا توس خپل ووينئ او پئيژئي چې ووړائي رونژدې شوائي دائي. ۳۱په دغ رانګ کله چې دې دغ شايونې پيشيدل ووينئ، بيا پوئي شئ چې دې خدائ بدشائي رونژدې شويې دو. ۳۲په يقين سره زه توس ته دا يايمه چې دا نسل و دې يغې پوره دې ميانځه لوړ نه شي، ترڅو دا ټولې پيشې روميانځ ته شويې نه وي. ۳۳منځکه او اسمون و دې ميانځه لوړ شي، خو دې مو خبرې و ايڅ کله دې ميانځه لوړې نه شي.
بئيدور پنډيژئي
۳۴پام کئ، خپل زړينه په ميلې، نشې او دنياوي انديشنې مه وخته کاوئي، اسې نه چې اغا وريځ بيځيه په توس روشي، ۳۵او لکه دې ليمي په رانګ و دې دنيو ټول خالک چې په ارځوئي کې وي روګير کو. ۳۶بيا بئيدور پنډيژئي او ار وخت داعو کئ، ترڅو دا طاقات پيدو کئ چې دې دغ ټولې شايونې نه چې ډير زر و پيش شي، وژغورل شئ او دې انسان دې زي په مخکې ودريدئي شئ.“
۳۷عيسیٰ و دې وريځې بيت المقدس کې تعليم ويرکوه. لماشوم و ووته او شپه و يې دې زيتون په غره کې تيراوله ۳۸او ستر ګائيز و ټول خالک بيت المقدس ته ويرتلل چې دې يغ خبرې وروي.