پېژندګلو
د حضرت ناحوم پېغام دا دے چې خُدائ پاک د دُنيا معاملې په خپل قابو کښې ساتى. د دُنيا د لوئ نه لوئ يو طاقت هم د خُدائ پاک منصوبه د مکمل کېدو نه نۀ شى ايسارولے. هغه په هر څۀ قادر دے. په لويو لويو بادشاهانو ترقى او زوال راغلے دے، خو په مکمل تاريخ کښې څوک هم تر اوسه پورې د دې قابل شوے نۀ دے چې د خُدائ پاک طاقت له شکست ورکړى. او هم دا د هغۀ د منونکو دپاره د تسلۍ باعث خبره ده، کۀ هر څومره هم حالات خراب شى خو د هغوئ يقين هم په خُدائ پاک وى. حضرت ناحوم د نينوه خلقو له خبردارے ورکړو چې زر به د اسور خلق په تاسو حمله وکړى. خو حضرت ناحوم غرورناکو او طاقتورو اسوريانو له هم خبردارے ورکړو چې هغوئ به هم تباه شى کۀ چرې توبه يې ونۀ کړه او خُدائ پاک ته راونۀ ګرځېدل. هغه وفادارو له دعوت ورکوى چې د مصيبت په وخت کښې مالِک خُدائ خپل خُدائ پاک ته راوګرځئ او ورسره وعده کوى چې خُدائ پاک به د هغوئ حفاظت وکړى. د حفظ کولو دپاره ۱:_۷ آيت ”مالِک خُدائ ښۀ دے، د تکليف په وخت کښې هغه مضبوطه قلعه ده. او هغه د هغوئ حفاظت کوى څوک چې په هغۀ باور کوى.“
