عيسیٰ پينځه زره خالک ته ماړئي ويرکاوي
(متي ۱۴:_۱۳_-_۲۱ او مرقوس ۶:_۳۰_-_۴۴ او لوقا ۹:_۱۰_-_۱۷)
1 په دا نه دې ورستې عيسیٰ دې جليل دې داريوب بله غوړه ته چې دې طبريې په نوم هه يوديژي، لوړ شه. 2 ګاڼ شمير خالک ورپسې وي، ځکه چې يغې اغا معجزې ليدليې وې چې دې بيمورونې دې روغاولې دې پوره يې وشويې وې. 3 عيسیٰ يوه غونډي ته وخوت او وولته دې خپلې شاګردونې سره کشينوست. 4 دې يهوديونې دې فسحې دې اختر وريځې نژدې وې. 5 کله چې عيسیٰ خو او شو ته وکاتل او ګاڼ شمير خالک يې وليدل چې دې ده طاراپ ته روراون دي، بيا فيليپوس ته يې وويل، ”دامره ماړئي و دې کيم ځي نه ووخلي چې دا ټول خالک يې وخوري؟“ 6 عيسیٰ دا خبره دې دغې دې پوره وکړله چې دې فيليپوس امتيان وخلي، ځکه چې اغا خپل پئيده چې څه وکو. 7 فيليپوس ځاوب ويرکه، ”دې سپينې زارې دوه ساوه سيکې ماړئي و هه نه شي پيره چې ار يوه ته لژ لژ هه وراسيژي.“ 8 دې يغ په شاګردونې کې يو شاګرد چې اندرياس نوميده او دې شمعون پطروس ورور و، يغ ته وويل: 9 ”دولته يو ژڼکائي دائي. دې يغ سره دې ربشې پينځه ماړئي او دوه کابون شته، خو په اغا بندې و دې دغې دامره خالکې څه وشي؟“ 10 عيسیٰ اغي ته وويل، ”خالک ته وويايئ چې کشيني.“ په اغا ځوئي کې ډير ووشه وي، بيا ټول ساړي **چې شمير يې پينځه زره وه کشينوستل. 11 بيا عيسیٰ ماړئي رووخستله، دې خدائ شکر يې په ويوسته او اغا يې په نوستې خالکې بندې وويشله. دې کابونې سره يې هه داسې وکړل او چا چې څومره غوشتل ويرته يې ويرکړل. 12 کله چې ټول موړه شول بيا يې خپل شاګردون ته وويل، ”دې پوتې شويې ماړئي ټکړې رو ټولې کئ چې ايڅ شائي درنه ضايع نه شي.“ 13 نو شاګردونې اغا روټولې کړلې او دې ربشې دې پينځې ماړئي دې پوتې شويې ټکړې نه چې خالکې خواړليې وې دولاس ټوکرئي ډاکې شوې.
14 کله چې خالکې دې عيسیٰ دې قدرات ناخشه وليدله نو ويې ويل، ”دا په رشتيا اغا پيغمبر دائي چې دنيو ته روغلائي وائي.“ 15 بيا عيسیٰ پوئي شه چې اغا نيات لري چې روشي او اغا په زور بوځي او بادشا يې کو. نو اغا په څټ دې غونډئ سيمې ته لوړ شه چې وولته ګوشائي پنډ شي.
عيسیٰ په يبه دې پوسه ګرځي
(متي ۱۴:_۲۲_-_۳۳ او مرقوس ۶:_۴۵_-_۵۲)
16 کله چې لماشوم شه بيا دې عيسیٰ شاګردون کيز دې داريوب خو ته لوړل، 17 کشتئ ته وخاتل او په څټ دې کپرناحوم خو ته راون شول. شپه شوله او عيسیٰ ليا اغا ته په څټ نه و روغلائي. 18 په دا وخت ساخت بود لګيده او داريوب طوفاني شه. 19 کله چې شاګردون نژدې پينځه ليا شپيژ کيلوميټره مخکې لوړل، عيسیٰ يې وليده چې په يبه دې پوسه راون دائي او دې کشتئ خو ته رو نژدې کيژي، بيا اغا وډاريدل. 20 خو عيسیٰ يغې ته وويل، ”زه يمه، مه ډاريژئي!“ 21 بيا يغې وغوشتل چې اغا کشتئ ته دې ننه روالي، او په مخ کشتئ اغا ځوئي ته وراسيده چې دئ ويرتلل.
خالک عيسیٰ غوړي
22 بله وريځ اغا خالک چې دې داريوب په بله غوړه ويلوړ وي وليدل چې وولته ګوشي يوه کشتئ وه او عيسیٰ په کې دې خپلې شاګردونې سره نه و خاتلائي، بلکې اغا ګوشي تللي وي. 23 بيا دې تبريې دې شار نه نورې کشتئ اغا ځوئي ته رو وراسيدلې چې خالکې پکې اغا ماړئي خواړليې وه چې عيسیٰ په دې خدائ شکر ياستلئ و. 24 نو کله چې خالکې وليدل چې وولته نه عيسیٰ و او نه يې شاګردون، بيا اغا په کشتئ کې سوره شول او دې عيسیٰ په مينداول پسې کپرناحوم ته لوړل.
عيسیٰ دې ژواندين ماړئي دو
25 کله چې خالکې عيسیٰ دې داريوب په بله غوړه مينده که نو ورته ويې ويل، ”ايستوذه، ته کله دولته رو وراسيدلې؟“ 26 عيسیٰ ځاوب ويرکه، ”په يقين سره زه توس ته دا يايمه چې توسې دې دغې دې پوره مو نه غوړئي چې دې مو معجزې مو ليدليې دي، بلکه دې يغې ماړئي په خاطر چې ومم خواړله او ډاک شوائي. 27 دې فاني خواړې دې پوره خوري مه کئ بلکې دې يغې خواړې دې پوره خوري وکئ چې دې تل پوتې ژواندين پورې پوتې کيژي، يعني اغا خوړه چې دې انسان زيائي يې توس ته ديرکاوي. ځکه چې پلور خدائ يغ ته اختيار وير کړائي دائي چې داسې وکو.“ 28 بيا خالکې پشتنه وکړه، ”ميژ څه وکي، ترڅو اغا کورينه چې خدائ يې دې ميژ نه غوړي سار ته وراساوي؟“ 29 عيسیٰ په ځاوب کې وويل، ”کيم کور چې خدائ يې دې توسې نه غوړي اغا دا دائي چې په اغا چا بندې ايمون رورئي چې يغ رو لاژلئ دائي.“ 30 نو يغې وويل، ”ته ميژ ته کيمه ناخشه جاواته وې چې ميژ يې وويني او ايمون دربندې روري؟ ته و کيم کور وکې؟ 31 دې ميژ نيکونې په داشته کې مان وخوړ او لکه څرنګې چې دې خدائ په کلام کې ليکل شوي دي:
***’اغا دې اسمون نه اغي ته ماړئي ويرکړله چې ويې خوري.‘“
32 عيسیٰ يغې ته وويل، ”په يقين سره زه توسې ته دا يايمه چې دا موسیٰ نه و چې توس ته يې دې اسمون نه ماړئي دير کاوله، بلکې دې مو پلور دير کاوله او ويس اغا توس ته دې اسمون نه رشتينيې ماړئي ديرکاوي. 33 ځکه کيمه ماړئي چې خدائ يې ديرکاوي اغا دې اسمون نه رو نازليژي او دنيو ته ژواندين ويرکاوي.“ 34 يغې وويل، ”شوغليه، ميژ ته ار وخت دا ماړئي روکاوه.“
35 عيسیٰ اغا ته وويل، ”زه اغا ماړئي يمه چې ژواندين ويرکاوي. څوک چې موته روڅي اغا و ايڅ کله نه وژائي کيژي او څوک چې په مو بندې ايمون روري اغا و ايڅ کله نه تژائي کيژي. 36 خو لکه څرنګې چې مو وويل چې سره دې دغې چې توسې زه ليدلئ يمه خو بيا هه په مو بندې ايمون نه رورئي. 37 کيم خالک چې دې مو پلور يې مو ته رو کاوي اغا و موته روڅي او څوک چې موته روڅي زه و اغا ايڅ کله نه کمه ورړه. 38 ځکه چې زه دې اسمون نه دې دغې دې پوره نه يمه روکيز شوائي چې خپله راضو پيره کمه، بلکې دې دغې دې پوره چې دې يغ چا راضو پيره کمه چې زه يې رو لاژلائي يمه. 39 او چا چې زه رو لاژلائي يمه دې يغ راضو دا دو چې ټول خالک چې يغ موته روکړي دي يو يې هه دې لوسه نه کمه وير، بلکې دې اخيرات په وريځ اغا روژواندي کمه. 40 ځکه چې دې مو دې پلور راضو دا دو چې ار څوک چې مو دې يغ دې زي په رانګ وپيژاني او په مو بندې ايمون روري اغا و دې تل پوتې ژواندين خاوند شي، او زه و اغا دې اخيرات په وريځ روژواندائي کمه.“
41 په دا بندې خالک په خپله کې سره وبړيدل، ځکه چې يغ وويل، ”زه اغا ماړئي يمه چې دې اسمون نه نازله شويې دو.“ 42 نو يغې وويل، ”ايا دا ساړائي دې يوسف زيائي عيسیٰ نه دائي چې ميژ يې مور او پلور پيژاني؟ نو بيا اغا څرنګې يائي چې زه دې اسمون نه رو کيز شوائي يمه؟“ 43 عيسیٰ ځاوب ويرکه ”په خپل ميانځ کې مه سره بړيژئي. 44 ايڅوک نه شي کړلائي چې موته روشي ترڅو اغا پلور چې زه يې رو لاژلئ يمه اغا موته رو نه والي، او زه و اغا دې اخيرات په وريځ روژواندائي کمه. 45 دې پيغمبرونې په کيتوبينه کې ليکل شوي دي:
*’اغا ټول و دې خدائ دې طاراپ نه تعليم حاصل کو.‘
ار څوک چې دې پلور خبرې ته غوژ ونسي او دې يغ نه څه زده کو، اغا موته روڅي. 46 ايچا پلور نه دائي ليدلئ دې يغ نه وره چې دې خدائ دې خو نه روغلائي دائي. ګوشائي يغ خدائ ليدلئ دائي. 47 په يقين سره زه توس ته دا يايمه چې څوک چې په مو بندې ايمون روري اغا دې تل پوتې ژواندين خاوند دائي. 48 زه اغا ماړئي يمه چې ژواندين ويرکاوي. 49 سره دې دغې چې دې توسې نيکونې په داشته کې مان وخوړ خو اغا مړه شول. 50 خو کيمه ماړئي چې دې اسمون نه رو نازليژي اغا داسې ماړئي دو چې ار څوک اغا وخوري نو ايڅ کله و نه مړ کيژي. 51 زه دې ژواندين اغا ماړئي يمه چې دې اسمون نه رو نازله شويې دو. ار څوک چې دا ماړئي وخوري نو اغا و تل تر تله ژواندائي وي. کيمه ماړئي چې زه و يې ويرکاومه، اغا دې مو خپل سيرات دائي چې زه يې دې دنيو دې ژواندين په خاطر وير کاومه.“
52 په دا خبره يهوديونې په خپل ميانځ کې سره ساخت باحث شيري که او ويل يې، ”دا ساړائي څرنګې کړائي شي چې خپل سيرات ميژ ته روکو چې ويې خوري؟“ 53 عيسیٰ يغې ته وويل، ”په يقين سره زه توس ته دا يايمه چې تر يغه پورې چې توس دې انسان دې زي سيرات ونه خورئي او دې يغ وينه ونه تشئ نو توس و تل پوتې ژواندين ونه لرئي. 54 ار څوک چې دې مو سيرات وخوري او دې مو وينه وتشي نو اغا و دې تل پوتې ژواندين خاوند وي او زه و اغا دې اخيرات په وريځ روژواندائي کمه. 55 ځکه چې دې مو سيرات رشتيني خوړه دي او دې مو وينه رشتينيې تشوک دائي. 56 ار څوک چې دې مو سيرات وخوري او دې مو وينه وتشي نو اغا و په مو کې وي او زه و په اغا کې ومه. 57 لکه څرنګې چې اسموني پلور چې ژوند ويرکاوي زه رو ولاژلمه او زه دې دغې دې اماله ژواندائي يمه، نو په داغا رانګ ار څوک چې دې مو سيرات وخوري نو اغا و دې مو دې اماله ژواندائي وي. 58 دا اغا ماړئي دو چې دې اسمون نه رو نازله شويې دو او دا دې يغې ماړئي په رانګ نه دو چې دې توسې نيکونې وخواړله او مړه شول. ار څوک چې دا ماړئي وخوري نو اغا و تل تر تله ژواندائي وي.“
59 دا خبرې عيسیٰ اغا وخت په عبادتخانه کې وکړلې کله چې اغا په کپرناحوم کې تعليم ويرکاوه.
دې تل پوتې ژوند خبرې
60 دې يغ ډيرې ليارتلينکي چې کله دا خبرې ورويدلې بيا ويې ويل، ”دا ډيره ساخته دو، څوک کړلائي شي چې دا خبرې وماني؟“
61 عيسیٰ په خپل زړه کې پوئي شه چې شاګردون يې په دا خبره بندې بړيدل، بيا اغا ته يې وويل، ”ايا توسې په دا بندې خفا شوائي؟ 62 که چيرې توسې دې انسان زيائي ووينئ چې په څټ اغا ځوئي ته وير وخيژي چې مخته پکې و، نو توسې و څه فکر وکئ؟ 63 دا دې خدائ روح دائي چې انسانون ته ژوند وير باخشي، انساني قوات ايڅ نشي کړلائي. مو چې کيمې خبرې توس ته کړيې دي اغا هه روح دائي او هه ژواندين. 64 خو بيا هه په توس کې ځنې خالک شته چې په مو ايمون نه لري.“ ځکه چې عيسیٰ ته دې يغې وريځې نه چې تعليم يې شيري که دا ماليمه وه چې څوک و ايمون نه روري او څوک و دې يغ سره خيانات کو. 65 بيا يغ وويل، ”په دا سبب مو توس ته وويل چې ايڅوک نشي کړلائي چې موته روشي ترڅو پره چې پلور ورته دا طاقات وير کړائي نه وي.“
66 په دا خبرې نه ورستې دې عيسیٰ ډيرې ليارتلينکي اغا پرياش او نوره يې دې يغ ملګرتيا نه وکړله. 67 نو عيسیٰ دې دولاسې شاګردونې نه پشتنه وکړله، ”ايا توس هه غوړئي چې مو پريژدئي؟“ 68 شمعون پطروس ځاوب ويرکه، ”اې ايستوذه، ميژ و چاته لوړ شي؟ دې تو سره اغا خبرې دي چې تل پوتې ژواندين ويرکاوي. 69 ميژ په تو بندې ايمون روړائي دائي او په دا بندې پوئي شوي يي چې ته دې خدائ سپيڅلئ يې.“ 70 عيسیٰ ځاوب ويرکه، ”ايا توسې دولاس سره مو نه يئ خواش کړي؟ خو بيا هه په توس کې يو کاس شيطون دائي!“ 71 عيسیٰ دا خبرې دې شمعون اسخريوتي دې زي يهودا په حق کې کړلې، که څه هه اغا دې دولاسې شاګردونې نه و، اغا و دې عيسیٰ سره خيانات وکو.